මානසික සුවය සදහා
සිතුවම් කලාව යොදා ගැනීම
මානසික සුවය සදහා
සිතුවම් කලාව යොදා ගැනීම
මෙය තවත් විදිහකින් කිවුවොත් මානව සංවර්ධනය සදහා
සෞන්දර්ය යොදා ගැනීමයි.
යමක් ඇදීමේ හැකියාව ජාන ගතවී තිබේ නම් එය මානසික
සුවය සදහා බලපායි.
වසර ගනනාවක් සිතුවම් කරනයේ යෙදීමෙනුත්, ලංකාවේ
විවිධ ප්‍රදේශවල සිතුවම් ප්‍රදර්ශන තුන්සිය පනහකටත් වඩා පැවැත්වීමෙනුත්, සිය
වතාවකටත් වඩා කරන ලද සොයාබැලීම් අනුවත් ඒ බව අපට පැහැදිලි වී ඇත.
මේ කාරනාවන් ගැන මනා අවබෝධයක් තිබෙන මානසික රෝග
පිලිබද විශේෂඥ වෛද්‍ය කමල් වෙල්ගම මහතා අප දන්නා යමක් ඇත්නම් එය රෝගීන්ගේ යහපත
සදහා යොදා ගැනීමට සිතීම ගැන එතුමාට ස්තූති වන්ත වෙමි.
මෙම ඉගැන්වීමේ දී අප බලාපොරොත්තු වන්නේ රෝගියා
විශේෂ පුද්ගලයෙකු ලෙස සලකමින් ඇදීමේ ක්‍රියාවලිය තුල ඔහුට ඔහුව සොයා ගැනීමට උදවු
කිරීමයි.
අප එකිනෙකාට වෙනස් නිසා ඔවුනොවුන් ගේ අනන්‍ය
තාවයන් ද වෙනස්ය. ඇදීමේ ක්‍රියාව තුල දී එකිනෙකාගේ අනන්‍ය තාවයන් වෙනස් කරන්නේ නැත.
ඇදීම සම්බන්ධව සමාජය දකින්නේ ගැඹුරු කාරනා සරල
ආකාරයටත්, සරල කාරනා ගැඹුරු ආකාරයටත් නිසා අප එක වරම ඒවා වෙනස් කිරීමට උත්සාහ
කරන්නේ ද නැත.
උදාරහනයක් කිවුවොත් කඩදාසි, පාට, ඊසල්, කැන්වස් ආදිය
මිලදී ගැනීම සොයාගැනීම ඇදීම සම්බන්ධව තිබෙන සරල කරනාවන්ය.
නමුත් ඇදීම යනු එයිට වඩා බරපතල කාරනාවකි. එය
කුමක්දැයි තවමත් මිනිසුන් සොයමින් සිටියි. දැනට පහලවී සිටින දක්ෂතම ශිල්පියා එක දිගට
දවසක්ම යමක් ඇන්දොත් ඔහු අදිනවා වගේ
පෙනුනත් ඇත්තටම ඔහු ඇදීමේ ක්‍රියාව තුල නිරතවී තිබෙන්නේ විනාඩි දෙක තුනක් පමනි.
නැතහොත් තත්පර කීපයකි. නැත්නම් තත්පරයක් වත් නැත.
එතරම් සංකීර්ක වූ ඇදීමේ ක්‍රියාව මෙතැන දී සරල කර
පෙන්වන්නේ උනන්දුව සහ කැපවීම ඇති අයට මානසික පීඩනයෙන් තොරව බෙහෝ දුර යාමට හැකියාව
ඇති කිරීම සදහායි. එහි දී කෙනෙකුට ලැබෙන ප්‍රතිලාබ බොහොමයකි.
ඒ සදහා අප යෙදා ගන්නා ක්‍රම වේදය වන්නේ අදාල පුද්ගලයා
සියලුම බාහිර බාධාවන් ගෙන් හැකිතාක් ඉවත් කර, ඇදීමේ ක්‍රියාවලිය තුල දී ඔහුට ඔහු ගේ හිතත් සමග පැහැදිලි ගනුදෙනුවකට අවස්ථාව
සලසා දීමයි. හිත කැමති ආකාරයෙන් ක්‍රියා කිරීමට ඉඩ දීම නිසා ඇදීමේ ක්‍රියාව තුල දී
ලැබෙන සතුට මනස සුවපත් වීමට බලපායි.
මෙහි දී එක් වරකට හයක් හෝ දහයකට අඩු සංක්‍යාවක්
යොදැගැනීම වඩාත් ප්‍රතිපල දායකය.
වසන්ත නමස්කාර
071 3009360
Comments
Post a Comment